القائمة الرئيسية

الصفحات

أحدث المقالات[LastPost]

طريقة دهان الاستر او البوليستر مط 10% ابواب قشرة بالتفصيل

طريقة دهان الاستر او البوليستر مط 10% ابواب قشرة بالتفصيل
طريقة دهان الاستر او البوليستر مط 10% ابواب قشرة بالتفصيل

طريقة دهان الاستر او البوليستر مط 10% ابواب قشرة بالتفصيل

موضوعنا اليوم عن البوليستر مط طريقة التنفيذ واهم الخطوات والمواد المستخدمة والمعايير والنسب .
سنبدأ الموضوع من الصفر حتى تتاح الفرصة للاخوة المبتدئين فى الدهانات معرفة كل التفاصل والموضوع مهم جدا ليس لفنيين الدهانات فقط ولكن ايضا مهم لاى شخص مثال : لو حضرتك بتشطب شقتك او الاثاث ( العفش ) ومحتاج تاخد فكرة عن طريقة التنفيذ عشان تقدر تتابع الاستورجى او النقاش اللى شغال عندك يبقى اكيد الفيد مهم لحضرتك 
ايضا لو حضرتك مهندس وفى طقم عمل شغال معاك اعتقد ان الموضوع هيفيد حضرتك جدا لان باختصار الموضوع شامل كل المعلومات والتفاصيل اللى ممكن اى حد يحتاجها فى هذا المجال , يلا نبدأ ونشوف موضوعنا النهاردة ويارب يعجبكم .
بسم الله الرحمن الرحيم
الخطوة الاولى:
تحضير وتجهيز الخشب بــ ( صنفرة 80 او 60 ) لتنعيم الخشب كويس وازالة الغبار والغراء وتنظيف السطح قبل اى عمل عليه وهذة الخطوة من اهم الخطوات 
الخطوة الثانية:
صبغ الخشب بالصبغة ( حصى جوز او اكاسيد واتربة ) اى لون تريده 
طريقة تحضيرة فقط قليل من الماء وقم باضافة الصبغه عليها ولكن احترس من ذلك لان اذا اكثرت من الصبغه سيصبح اللون معك قاتم وغامق 
طريقة دهانه بقطعة من الاسفنج وقم بدهان الخشب او اذا كانت كمية الخشب كثيرة فعليك بالمسدس والرش ولكن اذا استخدمت الرش فلابد من استخدام الاسفنجه للمسح بعد الرش
الخطوة الرابعة:
دهان وجه او وجهين سيلر أخشاب ميدو بالقطنة او بقطعة قماش او بالفرشاه ولاتستخدم المسدس وتقوم بالرش فهذا خطأ فى تلك المرحلة 
طريقة تدوير او تحضير السيلر , السيلر ضمن دهانات الدوكوفلذلك يتم تخفيفة او حله بالثنر وهنا يمكنك استخدام ثنر الصاروخين لان السيلر يستهلك كميات ثنر كبيرة حتى يتم حله وثنر الصاروخين متوسط السعر ويفى الغرض فى المراحل الاولى من عمل البوليستر 
نسبة الثنر مع السيلر جالون السيلر حوالى 3 لتر يحتاج على الاقل 2 جيركن ثنر الصاروخين واحيانا يحتاج اكثر على حسب طريقة استخدامة فدهان السيلر بالفرشاه او القطنه يختلف عن الرش .
الخطوة الخامسة:
معجون الاستر قم بعمل معجونة الاستر ثم قم بسحب الخشب او تلقيط الفواصل والاماكن التى تحتاج لمعجون 
طريقة عمل معجون الاستر ومكوناتها
المكونات ماء وغراء خرز واسبيداج واتربة اكسيد , قم باضافة كل العناصر مع بعض ولكن الالوان تستخدمها فقط لحين الوصول بدرجة لون المعجون الى نفس درجة لون الخشب الذى قمت بصباغته سابقا
الخطوة السادسة:
صنفرة وتصفية المعجون بصنفرة (150)
الخطوة السابعة:
دهان وجه جملكة بالقنه( اسطوبين جملكة)
طريقة تحضيرها , كحول احمر او سبرتو احمر واضف اليه الجملكة وذعها فى الشمس مدة حوالى نصف ساعه ثم احضرها واشتغل بها
الخطوة الثامنه :
دهان وجه سيلر اخشاب بالقطنة 
الخطوة التاسعة:
دهان وجه بوليستر رش بالمسدس 
طريق تدوير البوليستر, هو عبارة عن مجموعة تحتوع على 3 عناصل الاول بوليستر والثانى معجل والثالث مصلب او مجفف
قم بخلط المعجل مع البوليستر فقط والتقليب جيدا ثم لاتضع المصلب الا قدر الحاجه بمعنى ان المصلب نسبته 2% فقط
فى هذه الايام مع حرارة الجو لاتخلط المصلب باكامل على البوليستر ولكن بالطلب فقط ومن الافضل كل مره وانت بتاخد البوليستر عشان تشتغل به فبتاخد فى علبة المسدس وتضع عليها غطاء واحد من المصلب 
وتستخد ثنر الدبابة او المهندس .
الخطوة العاشرة :
صنفرة وتصفية البوليستر بصنفرة (150) ثم التنعيم بصنفرة دوكو(320)
الخطوة الحادية عشر:
تلقيط الخشب بنفس المعجونة الاولى معجونة الاستر ثم صنفرة المعجون مره اخرى ثم دهان وجه سيلر اخشاب ميدو ( رش بالمسدس )
الخطوة الثانية عشر:
رش اللون المطلوب بالمسدس ويجب ان يكون المسدس من الانواع الجيده لان هذه الخطوه اما ان تصل بها بر الامان او اما انك ستخسر كل المراحل السابقة وتلغى البوليستر وتضطر الى دهان الخشب دوكو او لاكيه 
طريقة التحضير , سيلر الاخشاب بعد ما تقوم بتدويرة بثنر الدبابة او المهندس قم باضافة صبغة كابسى عليه ولاتكثر من الصبغة حتى يكون اللون فاتح معك 
وانت بترش اللون امشى بنظام معين او خطوات معروفة عشان فى النهاية كل الابواب تكون نفس اللون وميبقاش فى باب فاتح والتانى غامق 
يعنى لو رشيت الباب الاول وجهين او ثلاثة لازم تمشى على نفس النظام فى باقى الابواب
ملحوظة كل وجه بترشه الباب لونه بيعمق معاك درجه .
الخطوة الثالة عشر:
رش وجه سيلر اخشاب 
الخطوة الاخيرة:
رش الورنيش او مجموعة الورنيش او البروتال
طريقة التحضر, البروتال من المواد ذات المركبين a و b ورنيش ومجفف او مصلب
بمعنى اخر 
لما بتشترى البروتال او الورنيش المجموعه بتكون عبارة عن عبوتين واحده كبيرة والاخرى صغيرة نسبة الخلط بينهم 1:2 يعنى كيلو الورنيش تضيف عليه نصف كيلو مصلب وتستخدم ثنر المهندس للتخفيف قدر الحاجه يعنى جالون الورنيش ممكن تضيف عليه 3 لتر ثنر المهندس
الى هنا نكون قد وصلنا الى نهاية الموضوع وننتقل الى مشاهدة الفيديو والتنفيذ والشرح عملى ونظرى


مشاهدة ممتعه للجميع



لاى سؤال اى استفسار اترك لنا تعليق بالاسفل وسيسعدنا الاجابة على حضرتك
 شكرا للمشاهدة والى اللقاء فى فيديوهتن قادمة
كاتب المقال/ محمدعبدالناصر
كاتب المقال/ محمدعبدالناصر
عربى مصرى الجنسيه اعمل بمجال الديكور والتشطيبات المتكاملة اشارك معكم اعمالى وخبراتى المتواضعه على أمل ان تفيد الجميع وعلى ايمان تام بأن ( لاخير فى كاتم علم )

تعليقات

10 تعليقات
إرسال تعليق
  1. مقلتش السوفت تاتش بيتحضر الورنيش ازاي وبضيف عليه ايه . وسؤال لو سمحت لو عملت كل ده ومحطتش بوليستر رشيت ورنيش علي طول بعد رش السبغه يحصل حاجه

    ردحذف
    الردود
    1. سوفت تاتش من الخامات اللى شغلها يعتبر تجارى بالاضافه الى انه مش بيخدم كويس ولايقارن بورنيش المجموعه اللى هو بروتال . وعموما بيتخفف بثنر .
      وموضوع البوليستر مكن تلغيه عادى مفيش اى مشكله لانه نوع من انواع الخدمة والاول كل شغلنا كان بدون بوليستر وكنا بنخدم بجملكة واوقات بدون جملكه على حسب مستوى الشغل المطلوب .
      تحياتى لحضرتك وشرفتنا بالزيارة الكريمة لموقعنا 💖

      حذف
  2. ممكن تشتغل بدون رش

    ردحذف
    الردود
    1. لا يافندم لازم رش بالمسدس للوصول لافضل نتيجه . اما الشغل بدون رش فهذا للشغل للتجارى فقط واقل جودة

      حذف
  3. رقم تليفونك لو سمحت او ارسالة على الايميل الخاص بى عندى شوية شغل

    ردحذف
  4. مدت رش ورنيش المجموعه على البولستر ورش اللون الاخير قبل ولابعدالبولسترالشفاف

    ردحذف
  5. الله ينور ما شاء الله

    ردحذف

  6. تعتبر شركة نسور الجزيرة من افضل الشركات التى تقدم خدماتها سواء تنظيف او
    مكافحة حشرات او تسليك مجارى وغيرها من الخدمات الاخرى التى تقدمها وحصولها
    على النتيجه المرضية بشهادة عملائها وتتميز بكثير من المميزات التى تجعلك تعاود التعامل
    .معها مره اخرى بكل سرور ومعرفتك التامة للنتيجه التى تتمنها

    :افضل شركة لمكافحة الحشرات بفروعها

    مكافحة حشرات بالقطيف

    مكافحة حشرات بالخبر

    مكافحة حشرات بالدمام

    :افضل شركة لتسليك المجارى بفروعها

    من حيث تقديم الخدمة باسلوب مميز والحصول على النتيجة المطلوبة
    والحصول على افضل العروض والاسعار مناسبة لجميع العملاء

    شركة تسليك مجارى بالخبر

    شركة تسليك مجارى بالقطيف

    تسليك مجارى بالدمام


    افضل شركة لتنظيف البيارات بفروعها
    (الخبر -الدمام - القطيف )


    شركة تنظيف بيارات بالخبر
    شركة تنظيف بيارات بالقطيف
    شركة تنظيف بيارات بالدمام


    افضل شركة لشفط البيارات


    شركة شفط بيارات بالخبر
    شركة شفط بيارات بالقطيف
    شركة شفط بيارات بالدمام

    ردحذف

إرسال تعليق